الكابوس :(

 

 الكابوس :D

الكلام ال مش علي لساني بالون الاحمر 

لا بجد مفيش كده

ايه اليوم النحس ده

اصحي من النوم متأخر واسأل الساعه كام 11..

مصحتين ليه ياماما مصحتش بدري

اخرج جري متأخر علي الامتحان

..

وفي الشارع قبل مأركب المترو  اتخانق تلات مرات  واتعورت في وحده فيهم

....

وكالعاده اروح والمترو والباب بيقفل

 ...

استني ال بعده

...

اركب زخمه مووت

..

متقولش يوم الحشر ومحدش قالي

...

وشويه وواحده تتخامق معايا  وتقولي بتعاكسني

انا

..

المهم عينك متشوف الالنور

....

شويه واروح اركب المترو خط المرج

..

انزله وخلاص جري والناس بتزق بعض

...

شويه وقدام المكنه التذاكر افتكر اني نسيت اقطع تذكره وان اشتراكي

حلوان مش مرج ...

اتخانق تاني
 
..

ومحضر تاني

. 
.وعطله تاني ... 

وشويه اخرج جري الامتحان

 ..

ولسه خارج من المترو تاكسي الله يعميه اكتر مهو اعمي ..

خبطني

.. 

والناس تتلم وتيدوس عليا مش عارف ليه تيدوس عليا

..

لكن المهم قولته يانروح القسم يانروح لحد الجامعه

..قالي لا اوصلك احسن...

وصلني  ...

عند الباب والامن ال عمرو مسأليني علي كارنيه  .

.وبالفقاقه كده نسيت الوصل بتاع المصاريف ال المفروض ادخل بيه 

روح الباب الرئيسي..

ياعم الحج  عندي امتحان 

 

...ممنوع 

 .ياأبونا ..

ممنوع ...

 اتخانق

واتصلت بالانستركتور
.

.تيجي تدخلي ..

وهي كمان ممنوع ..

. بعد شويه  دخلت ....

متعرفش ازاي ولا حد يعرف ازي 

في وسط الخناقه لقيت نفسي جوه .... 

دلخت خلاص احل بقي  ...

ايه ده ايه النحس دي ..

النتيجه راسب ... 

يادي النحس خرجت  من غير ولا كلمه ....

رجلي ورمت روحت علي مستشفي كان استثماري ..

ربنا ياخدهم وانا معرفش ..

شويه جبس 750جنيه ...


  شويه واتصل بأخويا يجي ياخدني

هو كمان تاكسي اعمي خبطه ..

خرجنا وروحنا علشان اكتب البوج دي افتح الكبيوتر ...

مفيش نت ...

 انزل لخويا النت فاصل من الشركه يافندي علشان مش فاضي تروح تدفعت الفاتوره ..

 كلمه من هنا علي كلمه من هنا  خناقه ...

ووالله لروح ادفع الفاتروه دلوقتي ..

وانا متجبس ...

اروح في ساعه الراحه ..

الله ياخدكوا .. 

لو تغير الشركه كان اسرع كنت غيرتها ...

دخلت ورخمت وتعبان ومريض ومن قدم شئ بيداه التقاه ...

دفعت الفاتره ارجع البيت الاقي ..

مفيش نت برضه ..:@ 

دماغي هينفجر ..

انزل لأخويا النت عنده شغال وهو ملوش فيه .

. اطلع من هنا  القي النت الارجيه بايظ..

في ايه ياجماعه دي التدوينه النحس  .

. انزل اجيب ارجيه واشغله كله تمام ..

النت اشتغل  وكله فله .. 

وهكتب وادون علي اليوم العالمي للنحس  ولسه بقول .....

 لا بجد مشوفتش كده

اسمع ماما بتقول :


قوم يا محمد الساعه تسعه علشان تروح الامتحان    :D


...
..
.
:D

مش قادر أدون

انا مش قادر ادون ولا في المدونه ولا في الاجنده معرفش ليه مش قادر ادون مع اني من الاساس فكرت في التدوين  علشان الحالات ال زي دي سواء علشان منساش او علشان اخرج نفسي من المود الرخم ده بس لللاسف معرفش ليه مش قادر اكتب , بقالي تلات ايام بحاول اكتب ومش عارف , يمكن لاني مش عارف اكتب ايه ولا اكتبه ازاي

بس بجد انا مش مصدق انها تجي منك انت  

يمكن المشكله لما يكون سببها اعز اصحابك بتبقي صعبه يمكن لو جت من واحد مش بيحبك كنت قولت عنده عزره

انما انت ليه تعمل كده و ازاي بتقنعني  بالشكل ده هل انا ببقي مغيب  , مش فاهم  , مش داري , مبشوفش , يمكن الموقف ده بالاخص خلاني اشوف حاجات مكنتش شايفها قبل كده 

افتركت دلوقت كلمه كنت قرأتها في كتاب لماذا من حولنا الاغبياء 
 نحن نري ما نريد ان نراه لا ما هو واقع فعلا   

والصراحه مش عارف ليه انا مكنتش شايف الحاجات دي ولا كنت شايفها وبتغاضي عنها لانها صغيره مع انها مكنتش صغيره  بالعكس خالص وده ال انا مش فاهمه ولا قادر افهمه

واكتر حاجه محيراني انه بعد ده كله صعب علي ومرضيتش احرجه  ..وربنا انا استاهل اكتر من كده

وكتير فكرت ليه هو عمل كده  , هل كره  , ولا انا عملت حاجه غلط في حقه , ولا غيره , ولا ايه

  واحد قالي زمان هو مش بيحب حد يكون احسن منه 

الصراحه انا مش شايف كده لان ده مش سبب انه يعمل كده 

ال مش عايز يبقي حد احسن منه يحاول يبقي الاحسن  مش يجرك للغط علشان تبقي وحش زيه 

بجد الموقف ده انا مش لازم انساه علشان دي مش اول مره

انا قررت اكتب الكلام ده علشان لو حتي قلبي حن ليك في يوم من الايام ارجع اشوفه يمكن افتكر شعوري ناحيتك
الحق يتقال الصداقه مش بس كلمه بتتقال وملهاش معني الصداقه افعال ليها معني كبير ومش لازم تتقال

والمرء علي دين خليله فالينظر احدكم من يخالل

...
..
.

انا بحب الشتاء

يااااااااااااااااااااااااااااه علي الشعور

 انا فرحان مووووووت

عارف لما يكون في حاجه بتحبها وتعملها

احساس بجد ملوش حل

بجد انا بحب الشتاء جدااااا

وبحب اكتر المطره ...مووووت

احساس بجد تحفه

كل الناس حوليك بتجري منها وانت الوحيد ال واقف تحتيها  وفاتح زراعاتك وبتحاول تضمها

ومتفكرش في حاجه ابداا غيرها

الموضوع بدأ ازاي الدنيا بتمطر وانا مش عايز اروح اقف تحتيها خايف من الانفلونزا

لان مسافر كمان يومين

المهم قولت مش مشكله المره دي

لقيت بابا بيقولي روح شوف مش عارف ايه كده علي السطح بتاع البيت

الصراحه مركزتش في ال هو عايزه كان ايه

لكن لقيت نفسي بلبس الشبشب واخد المفتاح

وجري علي سطح البيت

ووقفت في النص ورفعت راسي لفوق وفتحت ايدي ومفكرتش في اي حاجه تانيه خالص

 غير صوت الميه

  وبس



وبعد شويه صوت بينده

كان بابا بيشوفني اتاخرت ليه

روحت نازل وانا بقفل الباب

معرفش ايه ال خلاني ارجع تاني

ووقفت تاني لحد مسمعت صوت بيقول

بتعمل ايه يابن الكلب ده كله

ولقيت نفسي رايح انزل وفجأه زي مهتكون هتوحشني  ومش هشوفها تاني

قومت طلعت فوق السور  ومفيش حاجه جمني  اعلي نقطه بقي

بغض النظر عن اني كنت هقع و اموت لما سمعت البرق المره دي

بس احساس تحفه  سيبك انت انا كنت هقع دورين بس ربنا ستر

هو حتي لو مت كنت هبقي شهيد 

طبعا طالع لطاعه الواليدين :D


وكل لما اجي انزل متهونش علي انزل واسبها لوحدها

 الصراحه كان ناقص حاجه واحده بس

وتبقي كل  تمام

طبعا لما نزلت مقلكش علي الليله والكلام

بس كله يهون علشان عيونك  ياجميل

وفي  الاخر قولت لازم اكتب  اسعد لحظات حياتي

يله عقبال الجزيره



:)

Do You Know Who I'm ?

ناس كتير متعرفش انا مين ؟

ناس كتير متعرفش انا عمتل ايه ؟

ناس كتير متقوليش شكرا ؟

ناس كتير متعرفش انا قد ا يه ضحيت علشانهم ؟

ناس كتير في بلدي متقدرنيش  ؟

لكن في بلاد الفرنجه عرفوا قمتي :D

 وعملولي الفيدوي ده

علشاني
 

:)

Do You Know Who I'm ?

عرفت بقي انا مين  :D

:)

عشر نصائح علشان متبقاش في حاله غش

ها مش عارف ابدأ مين

ندخل في الموضوع علي طول

مش مذاكر وعايز تغش وخايف تتمسك اتصل ب 0900 واحنا نقولك هتغش ازاي
طبعا انا مش هقول كده :D

 
انما هقول

علشان ورقتك ميتكتبش عليها بالقلم الاحمر

حاله غش

اقدم لكم هذه النصائح

 اصل الغش ده موهبه واساليب مش بالفقاقه ياصاحبي

يعني مش كل من نقل سؤال من صاحبه يبقي غشاش 

لا الغش ده ثاقفه لازم ننقلها من جيل لجيل

ولما حبيت احط مابين ايدكم هذا التراث العظيم ملقتش افضل من اليومين دول

ركز  معايا وسيبك من ال في ايدك دلوقتي 

.

.

.

....

.

.

اولا : متحاولش تلفت الانتباه

ثانيا : هدفك هو ازاي تجيب السؤال مش تتعرف علي المزه ولا تعمل صداقه

ثالثا : ومتتحداش المراقب (متبصش في عنيه)ي

في علم النفس بيقولك ده تحدي

رابعا : متقعدش علي الحرف  او في اول اللجنه

خامسا :  حاول تقعد جمب اصحابك 

سادسا : لو مكنلكش اصحاب خليك جمب واحد شكله جدع بينفعوا ساعات

سابعا : متقعدش جمب واحد بيحب لفت الاتنباه 

ال بيكلموا كتير في اللجنه سواء بيغش او بيتمنظر

ثامنا :  متقعدش جمب واحد دحيح معهوش ساعه 

لان كل شويه هيسأل علي الساعه وتلاقي المراقب فوق دماغك كل شويه

تاسعا :  متعملش برشام مهما كلفك الامر

عاشرا : اياك تسلم الورقه قبل ما تتشد منك 
علي اساس انك حريت يعني ومقطع السمكه وخيشيمها

حتي لو مش عارف تكتب حاجه

..

.

.

مع تمنياتي لكم بالغش الوفير والنجاح الباهر

:)

العجله

ها مش عارف ابدأ منين

انا عِنَدِي ومغرور :)

اخر مشهد هو " نظره مليئه بخيبه الامل يله بينا نروح للعجلاتي "

الحكايه اني افتكرت حاجه عملتها وانا في تالته اعدادي وقولت لازم ادونها قبلما انساها وتروح مع الذكريات

الحكايه اني قررت اكون خليف عبده اخويا رحمه الله 

واصلح العجله ولو لمره واحده

ومع انه علي طول كان بيقولي انت خليفتي في الملاعب الا اني لم اكن خير خلف لخير سلف

خطه تصليح العجله كانت علي ثلات مراحل :-

المرحله الاولي :هي اني اقنع والدي انه ميوديش العلجله للعجلاتي علشن تتصلح

المرحله الثانيه: اني افك العجله علي الزيرو كمرحله قبل التجميع

المرحله الثالثه: هي اني اركب العجبه تاني وتبقي زي الجديده :D

وبدأت في التنفيذ

الاولي  نجحت في الاقناع بعد ووعود  كلفتني كتير وابرام ثفقات مع كل الاطراف المعنيه

وكانت مكلفه جداا من المصروف وخلافه لو مرجعتهاش زي مكانت

الا اني كنت جرئ

اما الخطوه التانيه  دي تقريبا اخدت يومين مني في تفكيك كل صاموله في العجله ووضعها في الجاز

مش عارف ليه في الجاز الا اني شوفت اخويا بيعمل كده لما جه بيصلحا لي اول مره وكذلك العجلاتي....نقطه مهمه ليه الجاز

الخطوه الثالثه  ليه الاحراج بس :$

بعد مرور اسبوع كل يوم اطلع واحاول اجمعها 

ومش عارف اولها ولا اخرها ومش عارف بدا مين

طب ياتري " البلي" الاول ولا الشحم ولا  ولا ولا ولا ولا ولا العمود ولا الاكس :$

ملحوظه البلي هو بتاع مكور كده بيتحط علشان بقلل الاحتكاك في العجله

المهم بعد الاسبوع ما خلص :$

طبعا المشهد الاخير معروف انا قولته فوق

ومع كل الفشل ده الا اني نجحت في حاجات كتير منها

-الاقناع 

 -المساومه

  -المفاوضه 

 -و اتعملت عمل جدول وخطه قبل الشروع في الجريمه 

 -والشجاعه والمغامرهوالجرأه لفك العجله

-وعرفت اني مخترع مش اوي يعني :)

واهم من ده كله اني كنت خليفته في الملاعب

I MIss You  My Brother 

I Will Be always Love You

:)

همسة :)

همسه

( أرجو من الله ان لا تقع في بئر الاعتماديات الذي لا قعر له )

 هذه كانت نصيخه اخي : سمير الجعبة

ان شاء الرحمن لان انسي هذه الوصيه

وتدويني لها  لايكفي لرد جميلك وانما لأذكرها في يوما ما 

 حينما استطيع ان ارد ليك الجميل

:)


...

إذا المرء لا يرعاك إلا تكلفاً ... فدعه ولا تكثر عليه التأسفا

ففي الناس أبدال وفي الترك راحة... وفي القلب صبر للحبيب ولو جفا

فما كل من تهواه يهواك قلبه ... ولا كل من صافيته لك قد صفا

إذا لم يكن صفو الوداد طبعية ... فلا خير في خل يجيء تكلفا

ولا خير في خل يخون خليله ... ويلقاه من بعد المودة بالجفا

وينكر عيشاً قد تقادم عهده ... ويظهر سراً كان بالأمس في خفا

للامام الشافعي

قهوه ساده ..وسجاره

العالم بدون قهوة و سجاره ، هو عالم بحاجة لتنظيم النسل!

فاختفاء القهوةوالسجاره يعني زيادة في عدد الأصحاء،

ووجود الأصحاء يعني ارتفاع مخيف في معدلات التناسل بين الكائنات الحية،

وارتفاع التناسل بين الكائنات الحية يعني تراكم المزيد من الأطفال أمام فرن الخبز،

وهو ما يؤكد بالضرورة أن فرص حصولك على 5 أرغفة من الخبز بعد ساعتين من الانتظار هو حلم لم... ولن يتحقق!
.
.
.
.
صدقوني عالم بدون قهوة هو عالم مزدحم جداً!

انا المشتاق

أشْتَقْتُ

وكيف لا أشتاقُ اليكِ
وانتِ هي
أما انا
فا أنا عاشقٌ يتنفسُ تحت الماءِ
فَََلُحٌبِِكَ يَسْرِي القَمْرِ ويَجْري في بُحُورِ الافْلاكِ

وأشْتَقْتُ لحَدِيث العشاقِ و أشْقَتُ لوَصْفٍ يخلعُ من الاعْماقِِ
وكيف لا أشتاقُ وانا بشرٌ يهوي كلام العشاقِ

وأفقتدُ الضَحِكُ وأفتقدُ اللَعِب
أفتقدُ انْفاسُكِ الطَيٍبه
وكيف لا أشتاقُ
وانا لمْ أعُدْ انا
فأ انا عاشقٌ يهْوَي حُرُوفُكِ النَطَْقاءُ

تذكرتُ المجنون وقولتُ وهل المجنونَ رأي مثلُ هواكَ
رأي الاشْوَاق رأي النُور يخرج من الاحْداق
بلي رأي
وأن لم يَري فهذا حديثٌ يُفْتَرَي

و أشتقت اليكِ
فَكِدّتُ أُجَنْ فَكِدّتُ أسقُط في الاهوال
وكيف لا أشتاق
وانا لستُ هنا
فأنا أسيرُ الذِكَََْرَياتِ أسيرُالضَحِكََاتِ

أشتقتُ وكيف لا أشتاق
فالعَشْقُ دَاءٌ بلا دواء
فلم أعد كالمَعْهودِ من الصبر
فأنا لم اعد أنا
فا أنا المُشْتاق
__________________________
هذا أول ما اكتب من شعر
وربنا يسترها مع المشتاق :))